పొన్నూరు: ఆటో బోల్తా.. డ్రైవర్ కి తీవ్ర గాయాలు
చేబ్రోలు మండలం కొత్త రెడ్డి పాలెం వద్ద ఆటో బోల్తా కొట్టి వ్యక్తికి తీవ్ర గాయాలైన ఘటన శుక్రవారం చోటుచేసుకుంది. గ్రామానికి చెందిన ఆటో డ్రైవర్ చేబ్రోలు వచ్చేందుకు ప్రయాణికులను ఎక్కించుకున్నాడు. కొత్త రెడ్డిపాలెం నుంచి చేబ్రోలు వచ్చే క్రమంలో ప్రమాదవశాత్తు ఆటో బోల్తా కొట్టి ఓ వ్యక్తికి ఎడమ కాలు విరిగిపోయింది. క్షతగాత్రున్ని 108 లో గుంటూరు ప్రభుత్వ వైద్యశాలకు తరలించారు. చేబ్రోలు పోలీసులు కేసు నమోదు చేశారు.
