గంజాయి అక్రమ రవాణా చేస్తున్న వ్యక్తి అరెస్టు
ఒడిశా నుంచి 10 కిలోల గంజాయిని గుంటూరుకు తరలిస్తున్న ఒడిశా వ్యక్తిని ఇచ్చాపురం పోలీసులు అరెస్టు చేశారు. సీఐ ఎం. చిన్నంనాయుడు, ఎస్సై ఇ. చిన్నంనాయుడు వివరాలను వెల్లడించారు. గంజాం జిల్లా పొలసర సమితిలోని ఖండూరు గ్రామానికి చెందిన శంకర్ సాహు కొంధమాల్ జిల్లాలో కొనుగోలు చేసి తరలిస్తుండగా ఇచ్చాపురం రైల్వే స్టేషన్ లో పట్టుకున్నట్లు వివరించారు. సోమవారం న్యాయస్థానంలో హాజరుపరిచామని కేసు దర్యాప్తు చేస్తున్నామన్నారు.
