విజయవాడ తూర్పులో హ్యాట్రిక్ విజయం వరించేనా..?
విజయవాడ తూర్పు నియోజకవర్గంలో 1967 నుంచి 2019 వరకు 12సార్లు అసెంబ్లీ ఎన్నికలు జరిగాయి. ఈ ఎన్నికల్లో 8సార్లు కాంగ్రెస్, 3సార్లు టీడీపీ, ఒక్కసారి ప్రజారాజ్యం పార్టీ విజయం సాధించాయి. ఈ నియోజకవర్గంలో ఇంతవరకు వైసీపీ గెలుపొందకపోవడం గమనార్హం. విజయవాడ తూర్పు నియోజకవర్గంలో ఈ సారి జరిగే అసెంబ్లీ ఎన్నికల్లో కూటమి అభ్యర్థిగా టీడీపీ తరుపున సిట్టింగ్ ఎమ్మెల్యే గద్దె రామ్మోహన్ పోటీ చేస్తుండగా వైసీపీ తరుపున దేవినేని అవినాష్ పోటీ చేస్తున్నారు. అలాగే కాంగ్రెస్ తరుపున సుంకర పద్మశ్రీ బరిలో నిలిచింది. కాగా ఈ సారి గెలిచి గద్దె రామ్మోహన్ హ్యాట్రిక్ విజయం నమోదు చేయాలని ప్రయత్నిస్తుండగా, ఈ నియోజకవర్గంలో వైసీపీ ఖాతా తెరవాలని ఆ పార్టీ అభ్యర్థి కసరత్తు చేస్తున్నారు.
