వంగ నారు పోసుకునే విధానం
వంగ నారును పెంచడానికి నేల ఎత్తుకు నాలుగు అంగుళాల ఎత్తులో మట్టిని బెడ్డుల రూపంలో తయారు చేసుకోవాలి. బెడ్డుకి, బెడ్డుకి మధ్య దూరం ఒక్క అడుగు ఉండటం వల్ల కాలిబాటకి అనువుగా ఉండి సస్యరక్షణకు అనువుగా ఉంటుంది. విత్తనాలను విత్తుకునే ముందు సమానమైన గీతాలు తీసుకోవాలి. విత్తనాల మధ్య దూరం ఒక్క సెంటి మీటరు ఉండేలా వేసుకోవాలి. విత్తుకున్న తరువాత మట్టిని కప్పుకొని నీటిని అందించి ఎండిన వరి గడ్డిని పలుచగా పైపోరగా బెడ్డులపై పరుచుకోవాలి.