రోడ్డు ప్రమాదంలో ఇద్దరు మృతి
చిత్తూరు జిల్లా కుప్పం పట్టణ పరిధిలోని చెరువు కట్టపై బుధవారం ట్రాక్టర్ ను వెనుక నుంచి బైక్ ఢీ కొట్టిన ప్రమాదంలో ఇద్దరు విద్యార్థులు దుర్మరణం చెందగా మరో విద్యార్థి గాయాలతో ఆసుపత్రిలో చికిత్స పొందుతున్నాడు. విద్యార్థులు పాలిటెక్నిక్ కళాశాలలో చదువుతున్నారని సమాచారం. మృతి చెందిన విద్యార్థులు మదనపల్లె, తిరుపతికి చెందిన వారుగా పోలీసులు గుర్తించారు. కాగా అతివేగంగా వచ్చిన బైక్ ట్రాక్టర్ ను ఢీకొనడం వీడియోలో ఉంది.
