బీఆర్ఎస్ నాయకుల ముందస్తు అరెస్ట్
ఖానాపూర్, కడెం, దస్తురాబాద్ మండలానికి చెందిన పలువురు బీఆర్ఎస్ నాయకులను, కార్యకర్తలను పోలీసులు ముందస్తు అరెస్టు చేశారు. హైదరాబాద్లో మాజీ మంత్రి హరీశ్ రావుతో పాటు పలువురిని అరెస్టు చేసిన నేపథ్యంలో బీఆర్ఎస్ అధిష్ఠానం ఛలో హైదరాబాద్ కు పిలుపునిచ్చింది. దీంతో బీఆర్ఎస్ నాయకులు హైదరాబాద్ కు వెళ్లకుండా ముందు జాగ్రత్త చర్యగా శుక్రవారం ఉదయం వారిని అరెస్టు చేసి పోలీస్ స్టేషన్ కు తరలించారు.
