కొత్తవలసలో ఆర్టీసీ బస్సుకు తప్పిన ప్రమాదం
కొత్తవలస రైల్వే స్టేషన్ సమీపంలో ఆర్టీసీ బస్సుకు ఆదివారం ప్రమాదం తప్పింది. అరకు నుండి విశాఖ వెళ్తున్న ఆర్టీసీ బస్సుకు ముందు కర్రల లోడుతో వెళుతున్న వాహనం అకస్మాత్తుగా బ్రేక్ వేయడంతో ఆర్టీసీ బస్సు ముందు ఉన్న వాహనాన్ని ఢీకొట్టింది. దీంతో బస్సు ముందు భాగం స్వల్పంగా దెబ్బ తినడంతో పాటు బస్సు అద్దాలు పగిలిపోయాయి. కాగా ఈ ప్రమాదంలో ప్రయాణికులకు ఎటువంటి గాయాలు కాకపోవడంతో స్థానికులు ఊపిరి పీల్చుకున్నారు.
