మహానందిలో మద్యం సేవించి వాహనాలు నడిపితే కఠిన చర్యలు
మహానంది మండలం గాజులపల్లె మెట్ట దగ్గర మహానంది ఎస్సై ఎన్. రామ్మోహన్ రెడ్డి ఆధ్వర్యంలో ఆదివారం సాయంత్రం పోలీసులు ముమ్మరంగా వాహనాల తనిఖీలు నిర్వహించారు. ఈ తనిఖీల్లో సరైన దృవపత్రాలు, త్రిబుల్ రైడింగ్, హెల్మెట్ లేని 20 మంది వాహనదారులకు జరిమానాలు విధించారు. ఈ సందర్భంగా ఎస్ ఐ మాట్లాడుతూ మద్యం సేవించి వాహనాలు నడిపితే కఠిన చర్యలు తప్పవని వాహనదారులను హెచ్చరించారు.
