ఘనంగా రాష్ట్ర స్థాయి హ్యాండ్ బాల్ పోటీలు ప్రారంభం
కోస్గిలోని ప్రభుత్వ ఉన్నత పాఠశాల మైదానంలో ఎస్జిఎఫ్ ఆధ్వర్యంలో రాష్ట్ర స్థాయి హ్యాండ్ బాల్ అండర్-17 పోటీలు గురువారం ప్రారంభమయ్యాయి. 3 రోజుల పాటు కొనసాగే పోటీల్లో తొలిరోజు బాలికల విభాగంలో వరంగల్, మహబూబ్ నగర్, ఆదిలాబాద్, బాలుర విభాగంలో కరీంనగర్, రంగారెడ్డి, మహబూబ్ నగర్ జట్లు విజయం సాధించాయి. ఈ కార్యక్రమంలో జిల్లా ఎస్జిఎఫ్ సెక్రటరీ నర్సిములు, జిల్లా గ్రంథాలయ సంస్థ చైర్మన్ వార్ల విజయ్ కుమార్, పీడీలు పాల్గొన్నారు.
