చేవెళ్ల
చేవెళ్ల అభివృద్ధి ప్రణాళికలు సిద్ధంగా ఉన్నాయి : కొండా విశ్వేశ్వర్ రెడ్డి
దేశవిదేశాలకు చెందిన ఐటీ ఉద్యోగులు, సంపన్నులు ఇక్కడ ఉంటున్నారని చేవెళ్ల ఎంపీ అభ్యర్థి కొండా విశ్వేశ్వర్ రెడ్డి అన్నారు. ఒకానొక సందర్భంలో ఆయన మీడియాతో మాట్లాడారు. ఇవే అవకాశాలను పరిగి, తాండూరు, వికారాబాద్ నివాసితులు కూడా ' అందుకునేలా చర్యలు తీసుకుంటానన్నారు. నగరానికి చేరువగా ఉన్న అనంతగిరి, వికారాబాద్ ప్రాంతాలను పర్యాటకంగా అభివృద్ధి చేస్తామన్నారు. అనంతగిరిలో కేంద్రం రూ.100 కోట్లతో రాష్ట్ర ప్రభుత్వంతో కలిసి పలు ప్రాజెక్టులు చేపట్టిందన్నారు. మూసీనది జన్మస్థలం ఇక్కడే అని కోట్పల్లి రిజర్వాయర్ పరిసరాల్లో పర్యాటకం ఎంతో అభివృద్ధి చెందాల్సిందన్నారు. ఐటీ, పర్యా టక, వ్యవసాయ రంగాల ప్రగతికి అవకాశం ఉన్న నియోజకవర్గంగా దేశంలో ప్రత్యేక గుర్తింపు తెచ్చేందుకు కృషి చేస్తానన్నారు.
